На Масленіцу сенненцы будзілі мядзведзя.

Як і заўсёды ў канцы зімы пачатку вясны,  Масленіца  сабрала сенненцаў і гасцей горада ў парку 40-годдзя Перамогі. І дарослыя, і дзеці прыйшлі сюды, каб адпачыць і павесяліцца. А пагля­дзець было на што.  Кожны мог знайсці сабе занятак па душы.

 Каля ўваходу ў парк размясціліся гандлёвыя рады Сенненскага спажыўтаварыства. Самых азартных  за­пра­шала бяспройгрышная латарэя. Усяго за адну тысячу  можна было стаць уладальнікам і даволі каштоўнага прыза. Але чамусьці ігракам больш трапляліся  тонкія сшыткі, папяровыя сурвэткі, накрыўкі, капронавыя і для кансервацыі.

 Патраціўшы колькі тысяч, са смехам госці свята ішлі далей аглядаць палаткі з прысма­камі. Дымок з мангалаў  прыемна казытаў  нос — значыць, там шашлыкі. І шашлыкамі, і традыцыйнымі для Масленіцы блінамі розных відаў, і яшчэ ўсялякай усячынай частавалі прыйшоўшых на свята гасцінныя гаспадыні-гандляркі.

 Прама ўздоўж дарожкі, якая вяла ўглыб парку, прапаноў­валі  свае сувеніры ў плеценых кошыках прыгожыя дзяўчаты з Цэнтра пазашкольнай работы. Непадалёк размясціўся столік са швейнымі вырабамі Сенненскай школы-інтэрната.

 На паркавай пляцоўцы пад гукі беларускай народнай музыкі распачалося святочнае дзейства, падрыхтаванае раённым метадычным цэнтрам аддзела культуры. Героі прадстаўлення вясковыя Суседкі і Скамарох у вясёлай жартоўнай форме тлумачылі суседу Сцяпану, а заадно і гледачам, што за свята Масленіца. Тут жа, на сцэне, праходзілі конкурсы для ўсіх жадаючых.  Выхаванцы з дзіцячага сацыяльнага прытулка, напрыклад, з задавальненнем  наперагонкі выпілі смачнае  малачко, а за ўдзел у конкурсе атрымалі яшчэ і прызы.

 Будзілі Мядзведзя, які «заснуў» прама на сцэне. Бо раней лічылася, як толькі мядзведзь прачнецца, так і вясна пачнецца. І артысты, і гледачы дружна, разам з Мядзведзем, танчылі беларускую польку. І нарэшце спалілі чучала Зімы.

 Праграма прадоўжылася канцэртам, адкрылі які  ўдзельніцы ансамбля «Вечарынка». Добра павесялілі народ вакальныя групы Белаліпскага, Нямойтаўскага, Полыменскага  сельскіх Дамоў культуры, салісты Ніна Варанцова, Валянціна Бельская і Алена  Малахава.

 А тым часам ахвотнікі завалодаць прызам, выкарыстаўшы  сваю  сілу і спрыт, абступілі слуп з падарункамі на самым версе. Першаму вышыня скарылася Васілю Малчанаву, жыхару Беліцкага сельсавета. Хлопец ахвотна паказваў усім жадаючым паглядзець сваю «здабычу» — прыгожы сервіз.

 А дзятва, не доўга чакаючы, наладзіла катанні з горкі на санках і розных спадручных сродках. Крыху старэйшыя дзеці «атакавалі» снегаход. Гэты  транспартны сродак сёлета  замяніў традыцыйных коней, запрэжаных у санкі. Але аказаўся не менш запатрабаваным. А яшчэ вялікай папулярнасцю ў дарослых і дзяцей карыстаўся Мядзведзь. Многія хацелі сфатаграфавацца з Касалапым на памяць пра свята Масленіцы.

 У гэты ж час у парку 40-годдзя Перамогі прайшла зімовая спартакіяда працоўных калектываў і сельсаветаў. Пра яе будзе расказана асобна.

Таццяна Буракова.

 

На Масленіцу сенненцы будзілі мядзведзя.: 4 комментария

  • Вторник, 1 март, 2011 в 09:34
    Permalink

    Как Вы ни хвалите,но с каждым годом праздники все хуже и хуже становятся.И с оформлением и с концертной программой.Все изьезженное и не привлекательное.Поэтому так мало собирается зрителей.НЕТ настоящего организатора ни со стороны отдела культуры ни со стороны РАЙПО.А может я не прав? Желательно узнать мнение редакции и читателей.

    Рейтинг комментария:Vote +10Vote -10

    Ответ
    • Вторник, 1 март, 2011 в 11:02
      Permalink

      К сожалению, на празднике не была. Судить не могу. Согласна, организовывать праздники должны профессионалы. Но где таких в нашем районе найдёшь! Дом культуры и так делает, что может. На большее не способны. Но с другой стороны мне кажется, что и сенненцы могли бы принимать более активное участие в культурной жизни города, района. А наших людей ой как трудно расшевелить!

      Рейтинг комментария:Vote +10Vote -10

      Ответ
  • Вторник, 1 март, 2011 в 16:06
    Permalink

    На мой взгляд, этот праздник традиционный, а традиции они должны отличаться своим постоянством, иначе это не традиции… А вообще согласна, изжила себя культура, и это не про маслиницу, а вообще. Не пускают молодежь, уцепились старички да старушки за места и ни с места, а жаль, будущее за молодежью: это и эстетика и новые подходы в работе)))

    Рейтинг комментария:Vote +10Vote -10

    Ответ
    • Вторник, 1 март, 2011 в 21:35
      Permalink

      O’K молодёжь. Давайте конкретно про подходы! Что мы можем предложить?

      Рейтинг комментария:Vote +10Vote -10

      Ответ

Добавить комментарий

Ваш e-mail не будет опубликован. Обязательные поля помечены *