Напярэдадні 9 Мая на Сенненшчыне ўшанавалі памяць ахвяр вёскі Марозаўка, сястры Хатыні

Аддзяленне дзённага знаходжання грамадзян пажылога ўзросту ТЦСАН Сенненскага раёна сумесна з Какоўчынскім сельвыканкамам, Багушэўскай сярэдняй школай і Багушэўскім ДК правяло мітынг-рэквіем “Суровая памяць цішыні”, прысвечаны памяці жыхароў вёскі Марозаўка, спаленых фашысцкімі акупантамі.

     Хутка будзе 76 гадоў, як адбылася гэта трагедыя. Фашысцкія карнікі спалілі ўсе 12 двароў Марозаўкі разам з жыхарамі. У жывых засталося толькі тры чалавекі, якіх у той час не было ў вёсцы.

     На мітынгу выступіў кіраўнік спраў Какоўчынскага сельвыканкама Сяргей Цярэня. Мясцовая паэтка Раіса Мацюшкіна прачытала свой верш “Всё дальше уходит время”, прысвечаны загінуўшай вёсцы. Мінутай маўчання ўшанавалі памяць спаленых яе жыхароў удзельнікі мітынгу. Да помніка ўсклалі кветкі і вянкі. Скончыўся мітынг песняй “Бухенвальдскі набат”, якую выканалі вучні 5”Б” класа Багушэўскай школы.

Таццяна БУРАКОВА.

На здымках: у час мітынгу-рэквіему.

Добавить комментарий

Ваш e-mail не будет опубликован. Обязательные поля помечены *