Уроженка Сенно получила диплом одного из самых престижных университетов мира — Johnson Cornell University

Ураджэнка Сянна Крысціна Качаноўская — яркі прыклад таго, як можна дамагчыся ў жыцці высокіх мэтаў, нягледзячы на ​​цяжкасці і перашкоды. Імя нашай зямлячкі цяпер упісана ў спісы выпускнікоў аднаго з самых прэстыжных універсітэтаў свету — Johnson Cornell University (Ітака, ЗША). Гэтая навучальная ўстанова ўваходзіць у так званую «Лігу плюшчу» — асацыяцыю лепшых амерыканскіх ВНУ, у складзе якой, дарэчы,  і знакаміты Гарвардскі ўніверсітэт.

За плячыма ў Крысціны не было сталічнай прапіскі і элітных гімназій. Дзяўчына нарадзілася і вырасла ў невялікім правінцыйным гарадку на паўночным усходзе Беларусі, у 2007 годзе скончыла сярэднюю школу №2 г. Сянно, прычым з залатым медалём. Настаўніца англійскай мовы Наталля Падалінская распавядае, што з першай сустрэчы заўважыла ў тады яшчэ пяцікласніцы Крысціны цікавасць да мовы Шэкспіра. Стараннасць і дадатковыя заняткі далі жаданы вынік. Ужо ў 7 класе дзяўчынка паказала свае пазнанні, удзельнічаючы ў раённай алімпіядзе па англійскай мове сярод дзясяцікласнікаў. А пачынаючы з 8 класа, рэгулярна станавілася прызёрам школьных алімпіяд. У скарбонцы дасягненняў сенненскай школьніцы і прызавое месца на абласной алімпіядзе, праўда, па рускай мове. Паралельна яна паспявала асвойваць ігру на фартэпіяна ў Сенненскай дзіцячай школе мастацтваў, якую таксама скончыла з адзнакай. Атрыманыя веды дапамаглі Крысціне паступіць у вядучае ВНУ краіны на прэстыжны факультэт міжнародных адносін. Сярод абітурыентаў яна паказала найвышэйшы вынік.

Белдзяржуніверсітэт сенненка таксама скончыла з чырвоным дыпломам. Яшчэ падчас вучобы Крысціна стажыравалася ў Кітаі, дзе ўдасканальвала мову. У Беларусі ў якасці перакладчыка суправаджала прадстаўнічыя кітайскія дэлегацыі. Але і гэтага дзяўчыне падалося недастаткова. Крысціна рызыкнула і падала дакументы ў Johnson Cornell University на спецыяльнасць «Бізнэс і фінансы». У яго студэнты, як правіла, ідуць людзі з сур’ёзнай эканамічнай адукацыяй. Маючы за плячыма філалагічную спецыяльнасць і, больш за тое, будучы маці дваіх дзяцей, Крысціна здолела не толькі паступіць, але і скончыць прэстыжную ВНУ. Дарэчы, на выпускным нашу зямлячку віншаваў вядомы амерыканскі палітык, колішні віцэ-прэзідэнт ЗША Джо Байдэн.

Дыплом амерыканскага ўніверсітэта дае магчымасць Крысціне працаваць у вядучых фінансавых сталіцах свету, такіх, як Нью-Ёрк, Лондан. Але пры гэтым дзяўчына не забывае пра сваю малую радзіму, пра родных і настаўнікаў, якія далі ёй пуцёўку ў жыццё. Дарэчы, Крысціна родам з настаўніцкай дынастыі. Бабуля Яўгенія Леаненка шмат гадоў працавала настаўніцай пачатковых класаў у СШ №2 г.Сянно. Маці Наталля Качаноўская пэўны час выкладала рускую мову школьнікам першай гарадской школы.

Выпадак з Крысцінай, безумоўна, — унікальны, але, хочацца верыць, што ў яе будуць паслядоўнікі. Зараз на факультэце міжнародных адносін БДУ, які калісьці скончыла Качаноўская, навучаецца яшчэ адна ўраджэнка раёна — Анастасія Мяцеліца. Сенненскі школьнікі, распавядае Наталля Падалінская, дэманструюць поспехі ў вывучэнні замежных моў і гэта пацвярджаюць вынікі штогадовага абласнога конкурсу міжкультурных камунікацый. Сёлета ў скарбонцы ў нашых вучняў 1, 2 і 3 месцы ў розных намінацыях. А значыць, у Сенненшчыны будзе не адна нагода ганарыцца сваімі ўраджэнцамі.

Вольга БАНДАРЭВІЧ.

На здымку: Крысціна Качаноўская падчас выпускнога ў Johnson Cornell University.

Уроженка Сенно получила диплом одного из самых престижных университетов мира — Johnson Cornell University: 3 комментария

  • Суббота, 15 июль, 2017 в 12:08
    Permalink

    Интересно, вот если бы чисто гипотетически Кристина захотела вернуться в родной район и трудиться на его благо, смогла бы она найти здесь работу со своими дипломами?)

    Рейтинг комментария:Vote +1+2Vote -10

    Ответ
    • Суббота, 15 июль, 2017 в 18:58
      Permalink

      Естественно, что нашла бы. У нас на руководящих должностях ( в большинстве случаев) сидят дилетанты, все бы просто было стыдно на ее фоне

      Рейтинг комментария:Vote +10Vote -10

      Ответ
  • Четверг, 20 июль, 2017 в 00:01
    Permalink

    Она умница и красавица, еще в школе было ясно, что далеко пойдет.

    Рейтинг комментария:Vote +10Vote -10

    Ответ

Добавить комментарий

Ваш e-mail не будет опубликован. Обязательные поля помечены *