На Сенненщине набирают ход весенне-полевые работы

Танальнасць размове на вытворчай нарадзе ў кіраўніка раёна задаў не толькі пачатак месяца, калі да кіраўніка раёна запрашаецца пашыраны склад кіраўнікоў арганізацый і службаў. У грамадскіх сельгасарганізацыях набіраюць хаду палявыя работы, пачынаецца пашавы перыяд утрымання буйной рагатай жывёлы.

 — Пры гэтым, нельга забываць і аб патрэбах людзей, прыватных падворкаў, — нагадаў Васілій Чараднік. – Пры неабходнасці дапамога павінна аказвацца вяскоўцам у поўным аб’ёме.

Актуальнай застаецца праблема добраўпарадкавання райцэнтра, Багушэўска, аграгарадкоў, іншых населеных пунктаў раёна, а таксама могілак. Маніторынг, праведзены адпаведнымі службамі, выявіў шэраг праблем, якія трэба вырашаць неадкладна. У прыватнасці, ёсць патрэба ў дадатковым транспарце для вывазу бытавога смецця. Кіраўніцтву прадпрыемствам жыллёва-камунальнай гаспадаркі даручана распрацаваць і давесці да шырокага кола грамадскасці графік яго прадастаўлення. На дапамогу камунальнікам гатовы прыйсці іншыя арганізацыі раёна.

Намечаны шэраг іншых мерапрыемстваў, якія павінны зрабіць нашы пасяленні больш прывабнымі. Сярод іх закладка дэндрапарка, новых сквераў і паркаў на пустках, падсадка дрэваў на месцы выпілаваных у парку 40-годдзя Перамогі. Работы будуць весціся з удзелам работнікаў лясной гаспадаркі, камунальнікаў. Аднак выявіць сваю грамадзянскую актыўнасць не на словах, а на справе атрымае кожны сенненец.

 — Зробім нашы населеныя пункты прыгожымі, зручнымі для жыцця без пафаса, — заклікаў Васілій Чараднік.

Абмяркоўваліся іншыя тэмы, актуальныя для сёлетняга года. У прыватнасці, да канца 2017 года жыхары паўднёва-заходняй часткі Сянна павінны атрымаць пітную ваду, якая будзе праходзіць ачыстку на гарадкой станцыі абезжалезвання. У праекце – будаўніцтва станцыі абезжалезвання ў аг. Багданава.

Адкладваць на заўтра работу па добраўпарадкаванні населеных пунктаў, на палетках не даводзіцца. Сіноптыкі абяцаюць Віцебшчыне анамальна цёплую, на 4 градуса Цэльсія вышэй кліматычнай нормы тэмпературу паветра ўжо ў першую дэкаду красавіка.

Аляксандр ЯЎГЕНАЎ.

 

Добавить комментарий

Ваш e-mail не будет опубликован. Обязательные поля помечены *