«Я люблю сваю прафесію»

11Пра начальніка аддзялення паштовай сувязі аграгарадка Янова Ганну Васільеву кліенты гавораць як пра стараннага і ўважлівага работніка.

У яе штодзённых працоўных абавязках — прыём разнастайных плацяжоў, адпраўленне пераводаў, тэлеграм, продаж паштовак, латарэйных білетаў… Вялікая ўвага надаецца падпісцы на перыядычныя выданні. Кожны дзень спадарыня Васільева імкнецца абнавіць стэнд новымі газетамі і часопісамі. У аддзяленні можна набыць тавары і паўсядзённага попыту: прадукты харчавання, прадметы гігіены, бытавую хімію, канцэлярскія тавары і інш.
— Я задаволена сваім месцам работы, люблю сваю прафесію, — прызнаецца маладая жанчына. — Пасля заканчэння школы вучылася завочна ў Віцебскім каледжы сувязі і адначасова працавала. У гэтай сферы я ўжо каля сямі гадоў. Мне падабаецца быць сярод людзей.
Да кожнага яна стараецца знайсці асабісты падыход, каб кліент зноў і зноў з задавальненнем прыходзіў у аддзяленне паштовай сувязі.
Ларыса МУКАМОЛАВА.
НА ЗДЫМКУ: Ганна Васільева, начальнік аддзялення паштовай сувязі аграгарадка Янова з наведвальніцай.

Добавить комментарий

Ваш e-mail не будет опубликован. Обязательные поля помечены *