Милицейская сводка от Сенненского РОВД

ГСЗагінуў на  месцы здарэння

         6 кастрычніка на 56-м кіламетры аўтадарогі Віцебск-Сянно-Талачын адбылося дарожна-транспартнае здарэнне, у выніку якога на месцы здарэння загінуў пенсіянер, жыхар Савініч.

Вечарам ён ехаў на кані, запрэжаным у воз. Непадалёк ад вёскі гужавы транспартны сродак, абазначаны святлоадлюстроў­ваючымі элементамі, пратараніў аўтамабіль ДЭУ Нэксія, што рухаўся ў папутным накірунку. За рулём аўта­транспартнага сродку знаходзіўся работнік прыватнага ўнітарнага прадпрыемства «Таксі 107». Супраць яго, па прычыне парушэння правілаў дарожнага руху, узбуджана крымінальная справа.

Паквапіўся на веласіпед

         У верасні вучань Машчонскай школы не стрымаўся і ўкраў веласіпед, які знаходзіўся ў пад’ездзе аднаго са шматкватэрных да­моў па вуліцы Перамогі, што ў райцэнтры.

Нядаўна супраць падлетка ўзбуджана крымінальная справа.

За парушэнне

ветэрынарных правілаў

         У сувязі з узнікненнем ачага афрыканскай чумы свіней летам мінулага года на свінакомплексе СУП «Саўгас імя Машэрава» было ліквідавана 12946 галоў свіней вагой 522105 кілаграмаў, што прынесла сельгасарганізацыі шкоду на суму 9573839385 рублёў.

У сувязі з гэтым узбуджана крымінальная справа. Праваахоўныя органы лічаць, што ў даным выпадку мае месца парушэнне ветэрынарных правілаў. Пасадавыя асобы саўгаса неналежным чынам кантралявалі план мера­прыемстваў, што быў распрацаваны, каб інфекцыйнае захворванне не патрапіла на вытворчы аб’ект.

Прапаў чалавек

         Інвалід другой групы па псіхічным захворванні Сяргей Андрушчанка, 1994 года нараджэння, знаходзіўся ў Багушэўскім доме-інтэрнаце для дзяцей з асаблівасцямі псіхафізічнага развіцця. 28 верасня вечарам юнак самавольна пакінуў установу.

Месца яго знахо­джання невядома да гэтага часу. А па факце адсутнасці без вестак узбуджана крымінальная справа.