У аг. Машканы Сенненскага раёна прайшоў Дзень рыбака
Арганізатар мерапрыемства — сельскі дом культуры наладзіў яго ўпершыню. Вялікую практычную дапамогу ў правядзенні свята работнікам культуры аказаў заўзяты рыбак Андрэй Валодзькін, які дасканала ведае ўсе тонкасці рыбацкай справы.
У конкурсах і спаборніцтвах па рыбнай лоўлі аднолькава азартна ўдзельнічалі як дарослыя, так і дзеці. Мясцовая бібліятэка прадставіла тэматычную кніжную выставу «Лавіся, рыбка, вялікая і маленькая» з парадамі і сакрэтамі ўдалай рыбалкі.
Пераможцам сярод рыбакоў прызнаны Міхаіл Башкоў. Другое месца ва Уладзіміра Долатава. Трэцім стаў самы юны ўдзельнік спаборніцтваў дзесяцігадовы Дзяніс Шухто.
У завяршэнні свята на вогнішчы зварылі духмяную юшку. Усе ласаваліся свежай рыбацкай стравай і цешыліць адпачынкам на прыродзе.