Пажар на льнозаводзе
Увечары 22 верасня жыхары райцэнтра і бліжэйшых населеных пунктаў маглі назіраць у небе вогненнае зарава ў раёне былога льнозавода.
Гэта гарэла льнотраста, якая стаяла асобна ў шохах, што належаць ААТ «Сенненскі райаграсэрвіс». У ліквідацыі здарэння ўдзельнічалі восем адзінак пажарнай тэхнікі: чатыры з Сенненскага РАНС, столькі ж з абласнога цэнтра.
У выніку пажару знішчана 533 тоны льнотрасты новага ўраджаю. Урон склаў больш за 780 млн рублёў. Прычына ўзгарання ўстанаўліваецца. Па факце здарэння вядзецца праверка раённым аддзелам Следчага камітэта.
Ірына ГАРБАЧОВА.