Юныя сенненцы атрымали першыя пашпарты
Сенненскія школьнікі, як і многія іх аднагодкі па ўсёй Беларусі, атрымалі пашпарты грамадзяніна Рэспублікі Беларусь па шматгадовай традыцыі непасрэдна ў Дзень Канстытуцыі. Галоўны дакумент асобы юнакам і дзяўчатам уручыў кіраўнік раёна. Віктар Цапота зрабіў гэта ў вялікай зале пасяджэнняў раённага выканаўчага камітэта, у прысутнасці членаў выканкама.
Віноўнікамі ўрачыстасці сталі чатырнаццаць падлеткаў ад 14 да 16 гадоў, навучэнцы школ Сянна, Багушэўска, Літусава, Янова, Машчон, якія вызначаюцца добрай вучобай і грамадскай актыўнасцю.
У дадатак да пашпартоў школьнікі таксама атрымалі і прэзідэнцкія падарункі — кнігу «Я — грамадзянін Беларусі».