За уверенность в завтрашнем дне

Неабыякавыя да будучыні нашай краіны сенненцы ў гэтыя дні актыўна ўключыліся ў важную палітычную кампанію – рэсбуліканскі рэферэндум па  ўнясенні змяненняў і дапаўненняў у Канстытуцыю Рэспублікі Беларусь.

На выбарчым участку №2, што размешчаны ў ДУА “Сярэдняя школа №1 г.Сянно імя З.І.Азгура” датэрміновае галасаванне праходзіць у штатным рэжыме, пытанняў у грамадзян не ўзнікае. На ўчастку выконваюцца ўсе санітарна-эпідэміялагічныя меры.

 Вольга Вераценнікава, сакратар аддзела ідэалагічнай работы, культуры і па справах моладзі райвыканкама, у ліку тых, хто не чакаў 27 лютага, каб прагаласаваць. “Удзел у выбарах прымаю заўсёды, — падзялілася жанчына. – Гэта мой грамадзянскі абавязак. Безумоўна, з праектам Канстытуцыі я пазнаёмілася. У раёне была праведзена вялікая работа з насельніцтвам па тлумачэннях яе артыкулаў. З упэўненасцю скажу, што абноўленая Канстытуцыя будзе адказваць патрабаванням часу. Яна вызначыць далейшыя арыенціры развіцця нашай дзяржавы. Я — за ўпэўненасць у заўтрашнім дні, за мірную краіну, бязвоблачнае дзяцінства”.

 Разам з мужам Вольга выхоўвае двух цудоўных дзяўчат. Як маці лічыць, што ў праекце Асноўнага Закона вялікая ўвага надаецца моладзі. А моладзь шмат у чым вызначае сучаснасць і будучыню, канстатавала Вольга.

Ала ЯКАЎЛЕВА.

Фота аўтара.