Механизатор ОАО «Сенненский райагросервис» Александр Петухов сейчас занят на уборке зерновых культур в открытом акционерном обществе «Белая Липа»

Ён працуе на камбайне КЗС-1218, які апошнія некалькі сезонаў амаль не эксплуатаваўся, штогод за яго штурвал садзіўся новы камбайнер.

 — Мяне з калегамі накіравалі на дапамогу белаліпцам са сваімі трактарамі. Аказалася, што ў жніво прастойвае два камбайны, давялося закасаць рукавы і брацца за іх рамонт, — успамінае Аляксандр Петухоў.

 Спачатку рэаніміравалі той, на якім працуе Аляксандр, а потым і камбайн, што сёлета перадалі ААТ “Белая Ліпа” з райаграсэрвіса. Частку дэталяў аднавілі з дапамогай токара, шмат у чым дапамаглі зваршчыкі, асобныя вузлы шукалі, здымалі са спісанай тэхнікі ў суседніх гаспадарках і, нават, раёнах. У выніку на палетках “Белай Ліпы” зараз вядуць абмалот усе камбайны, што знаходзяцца на балансе сельгасарганізацыі.

 — Немалаважны факт – затраты. Дзякуючы Аляксандру Петухову і яго сябру, на падрыхтоўцы камбайнаў да жніва яны аказаліся мінімальнымі, прыкметна меншымі, чым на іншыя камбайны, — падлічыла Зоя Конышава, дырэктар ААТ “Белая Ліпа”.

 Аляксандр Петухоў працуе на зямлі ўсё жыццё – ён патомны хлебароб, родам з Канева. На жніве таксама не навічок, быў час, калі дасягаў тысячных намалотаў за сезон, станавіўся пераможцам раённага спаборніцтва сярод камбайнераў. Сваю справу ведае і любіць. Шкадуе аб адным – сёлета пазнавата сеў за руль зернеўборачнай машыны, ды і надвор’е не дазваляе ў поўнай ступені паказаць сваё майстэрства, адчуць смак сапраўднай хлебаробскай справы.

Аляксандр ЯЎГЕНАЎ.

 Фота аўтара.